Adres en Dienstye

Fatima Bhayatstraat 170, Rustenburg.
Laerskool Rustenburg se skoolsaal.
Sondae: 09:00

 
Kruislig is ‘n groot familie waar jy altyd welkom en geliefd voel en daar heers ‘n tasbare teenwoordigheid van die liefde van ons Jesus Christus en die Heilige Gees. Die woord is korrek gesny en produseer Gees en Lewe. Die worship team is gehoorsaam en vloei saam die Heilige Gees. Dis genade en ‘n baie groot voorreg om deel te wees en saam te kan groei in Christus. Ons bid tot God vir genade en guns om dieper in die Gees te kan groei tot meer insig in die Lewende Woord – Christus.
— Obie
Kruislig... Omdat die leiers van die kerk nie ‘n Kruislig-ervaring jaag nie, maar met opregte harte ‘n Godly encounter soek. Ek ervaar Kruislig as Kerk, as die gemeenskap van Heiliges, waar die wat soekend is, deur die Gees honger word vir die waarheid en die wat vir Jesus ken in behoefte groei om Hom beste Vriend en Vader te noem.

Ek is lief, nie vir die Kruislig-gebou nie, maar vir die absolute verklaring van die waarheid wat ons vry maak, vir my God en Sy kudde.
— Elandri

Kleredrag

Ons kleredag is jou kleredrag.
Ons stel meer belang in mense se harte as wat ons besorg is oor hulle uiterlike voorkoms.
Voel vry om aan te trek wat vir jou gemaklik is.


Jy is welkom

Ons besef dat om ‘n gemeente vir die eerste keer te besoek , baie intimiderend kan wees, maar jy hoef nie bekommerd te wees nie. Ons gaan jou nie vra om te staan, jou hand op te lig of enigiets te doen wat jou blootgestel sal laat voel nie. Kom drink 'n koffie saam met ons.


Hoe sondae lyk

Ons aanbiddingspan lei ons elke Sondag in aanbidding, en ons boodskap is gemiddeld so 40 minute lank. Na die diens kuier ons saam met ‘n koffie in die hand en ons sien uit om jou te leer ken.

Ons begeerte is dat jy Jesus sal leer ken en liefhê, en dat jy sal toelaat dat Hy Homself deur jou aan ander bekendmaak. Dit sal vir ons ‘n voorreg wees om deel te hê in jou geloofsreis.


zany-jadraque-383781-unsplash.jpg

Kinderkerk

Leer 'n jongmens om die regte pad te kies, en wanneer hy eendag oud is, sal hy nie daarvan afwyk nie. Spreuke 22:6

Weet verseker, by KRUISKIDS hou ons nie die kindertjies besig nie, ons maak hulle volgelinge van Jesus (dissipels).

Ons doel is om elke kind wat aan ons toevertrou word wedergebore en Geesvervuld die wêreld in te stuur, sodat hulle van jongs af Sy stem kan ken en Sy wil kan uitleef.

Almal tussen die ouderdom van 7 tot 13 jaar kom VOOR DIE DIENS in die kindervierkant BYMEKAAR.

jeremy-bishop-102636-unsplash.jpg

Jeugkerk

Die hartklop van die Jeugbediening is om te lewe in reaksie op God se liefde vir ons, en toe te laat dat Hy mense deur ons sal liefhê.

Ons wil graag tieners help om dissipels (volgelinge van Jesus) te wees en dissipels te maak in elke skool in Rustenburg.

Ons probeer om 'n energieke omgewing te skep waar elke tiener veilig hulle geloof kan ontdek en beoefen.

Ons wil Jesus volg.
Ons wil lewe binne 'n geestelike familie.
Ons wil uitreik na ander.

Sondae: 9:00- Na afloop van die Worship, sal die jeug uitgeroep word
Fatima Bhayatstraat 170, Rustenburg
Henro 083 552 9196.